To’rtko’l tuman XTB ga qarashli 3-umumiy o’rta ta’lim maktabida 14-yanvar- “Vatan himopyachilari kuni” ga bag’ishlab “Milliy armiyamiz – mardlik, matonat va jasorat maktabidir” nomli bayram dasturi namoyish etildi. Uni maktabning MMIBDO’: M.Babayeva ochib berdi va maktabning barcha yigitlarini bayram bilan tabrikladi.
Bayram tadbirini maktabning boshlang’ich sinf o’qituvchisi Masharipova Mavluda rahbarlik qilayotgan 3-“B” sinf o’quvchilari boshlab berdi. Ular Vatan himoyachilari kuni haqida qimmatli ma’lumotlar aytib, Vatan, vatanparvarlik, vatan himoyachilari haqida she’r , qo’shiq va raqslar ijro etishdi. Ular ijro etgan “Serjantlar” qo’shig’i barchani birdek xushnud etdi.
Tadbirda ona tili va adabiyot fani o’qituvchisi S. Koshayeva tashkil etgan 9-“A” va 5-“A” sinf o’quvchilari ishtirokidagi o’zbek tilidagi ruknida ham Vatan, Vatan himoyachilari kuni, Vatan himoyasining muqaddas ekanligi haqida tushuncha berilib, she’r va qo’shiqlar ijro etildi. 9-“A” sinf o’quvchisi Bekov Nortoy o’qigan “Qasamyod” yig’ilganlarni Vatanga xizmat qilishga, hushyorlikka, Vatanparvarlikka chorladi.
Tadbirning Yuldasheva Navbahor tashkil etgan ingliz tilidagi qismida 5-9-sinf o’quvchilari qatnashib, Vatan himoyachilari kuni, bu kunning bayram sifatida nishonlanishi haqida inglizcha ma’lumotlar aytilib, she’r va qo’shiqlar ijro etildi. 9-“B” sinf yigitlari ijrosidagi “Askarning bir kuni” nomli komediya bayramga yanada ko’tarinkilik baxsh etdi.
